პორტუგალიამ ხორვატია დაძაბულ ბრძოლაში 2:1 დაამარცხა და მსოფლიო ჩემპიონატის 1/8 ფინალში გავიდა.
უგოლო პირველი ტაიმის შემდეგ ხორვატიამ ანგარიში 53-ე წუთზე გახსნა, როდესაც ივან პერიშიჩმა იოსიპ სტანიშიჩის ჩაწოდების შემდეგ გაიტანა.
რონალდუმ 68-ე წუთზე პენალტით გაათანაბრა ანგარიში და მსოფლიო ჩემპიონატების პლეი-ოფში თავისი პირველი გოლი გაიტანა.
თუმცა საბოლოო სიტყვა გონსალუ რამოშს დარჩა, რომელმაც პორტუგალიას ბოლო წუთებზე გამარჯვება მოუტანა.
პორტუგალიელებმა ჩამორჩენის შემდეგ მოიგეს და მსოფლიო ჩემპიონატების ისტორიაში მხოლოდ მეორედ შეძლეს მსგავსი ქამბექის შესრულება.
მატჩი სკანდალურად დასრულდა. ხორვატიას ეგონა, რომ ბოლო წამებზე ანგარიში 2:2 გახადა, მაგრამ VAR-ის ჩარევის შემდეგ მარიო პაშალიჩის გოლი თამაშგარე მდგომარეობის გამო გაუქმდა.
პორტუგალია მერვედფინალში გავიდა, სადაც ესპანეთს დაუპირისპირდება.
ლუკა მოდრიჩმა ხორვატია 2018 და 2022 წლების მსოფლიო ჩემპიონატებზე შესაბამისად მეორე და მესამე ადგილებამდე მიიყვანა, თუმცა მისი გუნდის გზა ამჯერად 1/16-ფინალში დასრულდა.
აღნიშნული შეხვედრა მსოფლიო ჩემპიონატების ისტორიაში პირველი იყო, სადაც ერთმანეთს ორი 40 წელს გადაცილებული მოედანზე მოთამაშე ფეხბურთელი, ლუკა მოდრიჩი და კრიშტიანუ რონალდუ, დაუპირისპირდნენ.
