სელტასთან ლა ლიგის მატჩში ლამინ იამალმა ტრავმა მიიღო.
18 წლის შემტევმა დაზიანება გატანილი პენალტის შესრულების მომენტში მიიღო და თამაშის გაგრძელება ვერ მოახერხა.
როგორც Mundo Deportivo იტყობინება, პირველადი გამოკვლევა აჩვენებს, რომ ბარსელონას და ესპანეთის ნაკრების ლიდერს ბარძაყის კუნთი აქვს გაწყვეტილი.
თუ ეს დიაგნოზი დადასტურდა, 18 წლის შემტევი საკლუბო სეზონის დარჩენილ ნაწილსაც გამოტოვებს და შესაძლოა ესპანეთის ნაკრებს მსოფლიო ჩემპიონატის სულ მცირე საწყის მატჩებში ვერ დაეხმაროს.
უახლოეს დღეებში იამალს დამატებითი კვლევები ჩაუტარდება, რომელიც ტრავმის ზუსტ სიმძიმეს და დაბრუნების სავარაუდო ვადებსაც დაადგენს.
