The Athletic-ის ჟურნალისტის, დევიდ ორნშტეინის ინფორმაციით, მანჩესტერ სიტი და ნოტინგემ ფორესტი ელიოტ ანდერსონის ტრანსფერზე შეთანხმდნენ.
შეთანხმება მას შემდეგ შედგა, რაც სიტიმ გაუმჯობესებული შეთავაზება წარადგინა, რათა კლუბებს შორის მოთამაშის შეფასებასთან დაკავშირებული სხვაობა აღმოეფხვრათ.
ფორესტს სურდა, რომ ანდერსონის გაყიდვის ფიქსირებული თანხა უფრო მაღალი ყოფილიყო, ვიდრე გასულ ზაფხულს ლივერპულის მიერ ალექსანდერ ისაკის სანაცვლოდ ნიუკასლისთვის გადახდილი ბრიტანული რეკორდი - 125 მილიონი ფუნტი.
ეს მას შემდეგ მოხდა, რაც სიტიმ ნახევარმცველის სანაცვლოდ სიტყვიერი შეთავაზება გააკეთა - 106 მილიონი ფუნტი წინასწარ, ხოლო ბონუსების ჩათვლით თანხა 120 მილიონ ფუნტს აჭარბებდა.
ფაბრიციო რომანოს ცნობით, საბოლოოდ, კლუბებს შორის შეთანხმება მიღწეულია და ტრანსფერის ღირებულება ბონუსების ჩათვლით 130 მილიონ ფუნტამდე ავა.
ანდერსონმა დღეს თავად სთხოვა ნოტინგემ ფორესტს მისი გაშვება და კლუბის დატოვება. მოთამაშის სამედიცინო შემოწმება აშშ-ში გაიმართება.
