მანჩესტერ იუნაიტედის ლეგენდარული თავდამსხმელი და მანჩესტერ სიტის ყოფილი მთავარი მწვრთნელი, მარკ ჰიუზი, უმძიმესი ტრაგედიის წინაშე დადგა.
უელსელი სპეციალისტის ოჯახმა მწვრთნელთა ასოციაციის (LMA) მეშვეობით ოფიციალური განცხადება გავრცელა, სადაც ნათქვამია, რომ მათ ოჯახში მოულოდნელად დიდი უბედურება მოხდა.
„ჩვენი გულები დამსხვრეულია“
მარკ ჰიუზისა და მისი მეუღლის, ჯილის განცხადებით, მათ ოჯახს თავს უეცარი და გაუგებარი ტრაგედია დაატყდა, რამაც მთელი საფეხბურთო სამყარო შეძრა. ოჯახი ამ მძიმე წუთებში საზოგადოებასა და მედიას კონფიდენციალურობის დაცვას სთხოვს:
ჩვენი გულები სრულიად დამსხვრეულია ამ მოულოდნელი და უეცარი ტრაგედიის გამო. ის იყო საოცარი შვილი, ძმა, ერთგული მეუღლე და ორი პატარა შვილის მამა. ჩვენ ყველას ის უზომოდ დაგვაკლდება. გთხოვთ, მოგცეთ სივრცე და კონფიდენციალურობა, რათა როგორმე გავუმკლავდეთ ამ უმძიმეს დანაკარგს.
საფეხბურთო სამყარო ლეგენდის გვერდითაა
ტრაგედიას გამოეხმაურა საფეხბურთო კლუბი გრიმსბი თაუნი, სადაც ჰიუზის ოჯახის წევრი ბოლო წლებში წამყვან ტექნიკურ პოზიციაზე მუშაობდა და სატრანსფერო პოლიტიკას ხელმძღვანელობდა. კლუბის ხელმძღვანელობამ, ანდრუ პეტიტმა და პოლი ბენკროფტმა, ღრმა მწუხარება გამოთქვეს და აღნიშნეს, რომ მომხდარმა შოკში ჩააგდო ყველა, ვინც მას იცნობდა.
საფეხბურთო კარიერის განმავლობაში მარკ ჰიუზის ოჯახის წევრს არაერთ ინგლისურ გრანდში უმუშავია, მათ შორის ანალიტიკოსისა და სკაუტის პოზიციებზე ბლექბერნ როვერსში, მანჩესტერ სიტიში, ფულემსა და რედინგში. საფეხბურთო სამყარო და გულშემატკივრები ლეგენდარულ უელსელსა და მის ახლობლებს ამ უმძიმეს წუთებში სრულ მხარდაჭერას უცხადებენ.
