ბუნდესლიგის ბოლოსწინა ტურში ბუდუ ზივზივაძის ჰაიდენჰაიმმა სტუმრად უნიონ ბერლინი 3:0 გაანადგურა.
ქართველი ფორვარდი ტრავმიდან ნელ-ნელა ბრუნდება და მხოლოდ მეორე მატჩი ჩაატარა. დღეს ის მოედანზე 83-ე წუთზე გამოჩნდა, როცა ანგარიში უკვე 3:0 იყო.
ამ გამარჯვებით ჰაიდენჰაიმმა ბუნდესლიგის დასარჩენ პლეიოფში მონაწილეობა გაინაღდა, რადგან 29 ქულით მე-17 პოზიციაზე მყოფ ჰოლშტეინ კილს უკვე 4 ქულით უსწრებს.
ჯერჯერობით არ არის გამორიცხული ჰაიდენჰაიმის პირდაპირ ბუნდესლიგაში დარჩენაც, თუმცა ამისათვის სანქტ-პაულიმ ორივე მატჩში უნდა დაკარგოს ქულები.
ნებისმიერ შემთხვევაში, ბუდუს გუნდმა პირდაპირ გავარდნა აირიდა თავიდან და მეორე ბუნდესლიგის გუნდთან (ამ ეტაპზე პლეი-ოფის პოზიციას ელვერსბერგი იკავებს) ორმატჩიან დუელს გამართავს.
