ლა ლიგის 35-ე ტურში ვალენსიამ საკუთარ მოედანზე ხეტაფე 3:0 გაანადგურა.
მესტალიაზე გამართულ მატჩში ღამურებმა სამივე გოლი პირველ ტაიმში გაიტანეს - ორი თერთმეტმეტრიანიდან (პეპელუმ და დურომ), ერთი კი თამაშიდან - დიეგო ლოპესმა.
გიორგი მამარდაშვილმა მოედანზე სრული მატჩი ჩაატარა და თავი სამი სეივით გამოიჩინა.
გამოცემა SofaScore-მ მამარდა 7.9 შეფასებით მატჩის საუკეთესო ფეხბურთელად დაასახელა.
ვალენსიამ, რომელიც რამდენიმე თვის წინ გადარჩენისთვის იბრძოდა, ახალი მწვრთნელის მოსვლის შემდეგ საოცარი ფორმა აკრიფა და 45 ქულით უკვე მე-9 ადგილზე იკავებს და ევროტურნირებზე მოხვედრისთვის იბრძვის.
