ჩაკვეტაძე ჩემპიონშიფის კვირის თერთმეტეულში მოხვდა

ინგლისის ჩემპიონშიფის მორიიგ ტურში უოტფორდმა საკუთარ მოედანზე ვესტ ბრომი მიიღო და 2-1 დაამარცხა. სრული მატჩი ჩაატარა გიორგი ჩაკვეტაძემ, რომელსაც ძალიან კარგი პერფორმანსი ჰქონდა.

სტატისტიკურმა ვებ-გვერდმა WhoScored-მა ქართველ ნახევარმცველს კარგი თამაში დაუფასა და კვირის საუკეთესო თერთმეტეულში მოახვედრა. გიორგიმ 8.2 შეფასება დაიმსახურა. მასთან ერთად გუნდში მისი თანაგუნდელი ვაკუნ ბაიოც არის, რომელმაც დუბლი შეასრულა აღნიშნულ მატჩში.

უოტფორდს ჩემპიონშიფში ჩატარებული 20 მატჩის შემდეგ 34 ქულა აქვს და სატურნირო ცხრილში მე-7 ადგილზეა.