ჩაკვეტაძე: "ყოველთვის ვცდილობ, ჩემს თავს მეტი მოვთხოვო"

უოტფორდთან კონტრაქტის გახანგრძლივების შემდეგ გიორგი ჩაკვეტაძემ კლუბის ოფიციალურ გვერდთან კომენტარი გააკეთა.

"ძალიან ბედნიერი ვარ აქ ყოფნით, რადგან ყველაფერი მაქვს. მე აქ მენდობიან და ამიტომაც ახალ კონტრაქტზე შევთანხმდით.

აქ ყველაფერი მომწონს: ხალხი, სტაფი, მოთამაშეებთან მუშაობა. გადმოსვლიდან 2-3 თვეში პროგრესი და მეტი თამაში დავიწყე. 

ახლა თავს კარგად ვგრძნობ. ყოველთვის ვცდილობ, ჩემს თავს მეტი მოვთხოვო. თუ კარგად ვითამაშე, შემდეგში იმაზე მეტის გაკეთება მსურს." - განაცხადა ქართველმა ფეხბურთელმა.

გიორგი ჩაკვეტაძემ უოტფორდთან კონტრაქტი 2029 წლამდე გაახანგრძლივა.

კლევერლი: "ჩაკვეტაძე ახალგაზრდებისთვის ფანტასტიკური მაგალითია"