ჩავი ნიდერლანდების ნაკრების მთავარი მწვრთნელის რანგში სერიოზული გამოცდისთვის ემზადება.
დღეს ერთა ლიგაზე მისი გუნდი გერმანიას დაუპირისპირდება. ორივე ნაკრები მოტივირებულია, რადგან მსოფლიო ჩემპიონატის 1/16-ფინალში განცდილი მოულოდნელი მარცხის შემდეგ (ნიდერლანდები მაროკოსთან, ხოლო გერმანია პარაგვაისთან გამოვარდა), გულშემატკივრების წინაშე რეაბილიტაცია სჭირდებათ.
ესპანელ სპეციალისტს ნახევარდაცვაში სერიოზული დანაკლისი აქვს, გუნდს ფრენკი დე იონგი და იერდი სხაუტენი ვერ ეხმარებიან. მათ ნაცვლად მოედანზე რაიან გრავენბერხს, ტიჯანი რეინდერსსა და ნაკრებში ორწლიანი პაუზის შემდეგ დაბრუნებულ ჯოუი ვეერმანს ვიხილავთ. შეტევაში კი კოდი გაკპოსთან და კრისენსიო სამერვილთან ერთად ბრაიან ბრობი ითამაშებს, რომელმაც ახლახან მანჩესტერ სიტის ჰეთ-თრიკი შეუსრულა.
Voetbalzone-ის ვარაუდით, ნიდერლანდების სავარაუდო შემადგენლობა ასეთი იქნება: ვერბრუგენი; დუმფრისი, ვან ჰეკე, ვან დაიკი (კაპიტანი), ვან დე ვენი; ვეერმანი, გრავენბერხი, რეინდერსი; სამერვილი, ბრობი, გაკპო.
