ჩელსიმ კაცნაკლულ ნოტინგემს ვერ მოუგო, ვილა პარკზე უგოლო ფრე დაფიქსირდა

ინგლისის პრემიერ ლიგის მე-7 ტურში ჩელსიმ სტემფორდ ბრიჯზე ნოტინგემი მიიღო.

შეხვედრის პირველი ტაიმი უგოლოდ დასრულდა. 50-ე წუთზე ანგარიში სტუმრებმა გახსნეს. ნოტინგემი კრის ვუდმა დააწინაურა.

57-ე წუთზე კოულ პალმერის საგოლე გადაცემის შემდეგ ნონი მადუეკემ ანგარიში გაათანაბრა.

78-ე წუთზე ჯეიმს უორდ-პრაუსმა მეორე ყვითელი ბარათი დაიმსახურა და თამაშის დატოვება ნაადრევად მოუწია, თუმცა თამაშის დარჩენილ ნაწილში ჩელსიმ რიცხობრივი უპირატესობა ვერ გამოიყენა.

მატჩი ფრედ 1-1 დასრულდა. 7 მატჩის შემდეგ ჩელსის 14 ქულა აქვს და სატურნირო ცხრილში მე-4 ადგილზეა, ნოტინგემი კი 10 ქულით მე-9 პოზიციაზე იმყოფება.

პარალელურად ასტონ ვილამ ვილა პარკზე მანჩესტერ იუნაიტედს უმასპინძლა. შეხვედრა უგოლო ფრედ დასრულდა.

უნაი ემერისთვის ეს ზედიზედ მე-8 წაუგებელი მატჩია, ერიკ ტენ ჰაგის შეგირდებმა კი ზედიზედ მე-5 მატჩი ვერ მოიგო.