ემპიონთა ლიგის პირველი კვირა დასრულდა, სადაც მოქმედმა ჩემპიონმა, პარი სენ-ჟერმენმა, ასევე მიუნხენის ბაიერნმა და ბარსელონამ დიდი ანგარიშით იმარჯვეს. ბრიტანულმა გამოცემა The Independent-მა ტურნირის მოგების 10 მთავარი ფავორიტის განახლებული რეიტინგი შეადგინა.
წარმოგიდგენთ 36-გუნდიანი ჩემპიონთა ლიგის საუკეთესო ათეულს:
10. მანჩესტერ იუნაიტედი: სერ ალექს ფერგიუსონის წასვლის შემდეგ კლუბმა ლიგის მეოთხედფინალში მხოლოდ ორჯერ ითამაშა. მაიკლ კერიკის ხელმძღვანელობით გუნდმა დებიუტანტ საბაჰთან 4:0 გაიმარჯვა და წინა სეზონის (ორი წლის წინ) მოგებების რაოდენობა უკვე გაიმეორა, თუმცა რეალური დონე მომდევნო რთულ მატჩებში გამოჩნდება.
9. მადრიდის ატლეტიკო: გასული სეზონის ნახევარფინალისტებს დამატებითი მოტივაცია აქვთ, რადგან წლევანდელი ფინალი მადრიდში, მათ სტადიონზე, მეტროპოლიტანოზე გაიმართება.
8. ინტერი: სერია A-ს ჩემპიონები იტალიაში კვლავ ყველაზე ძლიერ გუნდად რჩებიან. მართალია, მადრიდის რეალთან პირველ ტურში 1:2 დამარცხდნენ, თუმცა 36 გუნდს შორის მათ ყველაზე მარტივი კალენდარი აქვთ.
7. ლივერპული: ანდონი ირაოლას ხელმძღვანელობით მერსისაიდელებმა პირველ ტურში მადრიდის ატლეტიკოს 2:1 სძლიეს. მართალია, გუნდს ნახევარდაცვასა და დაცვაში გარკვეული პრობლემები აქვს, მაგრამ შემტევი პოტენციალი და შედარებით მარტივი კალენდარი მათ შანსებს ზრდის.
6. მადრიდის რეალი: ჟოზე მოურინიოს დაბრუნება ბერნაბეუზე და მბაპე-ვინისიუსის დუეტის შეთამაშება მთავარი გამოწვევაა, თუმცა ტურნირის 15-გზის ჩემპიონს ინტერფთან მოპოვებული გამარჯვება (2:1) და კარლო ანჩელოტის დროინდელი აურა ისევ ეხმარება.
5. მანჩესტერ სიტი: პეპ გვარდიოლას წასვლისა და ენცო მარესკას მოსვლის შემდეგ გუნდში ბევრი ცვლილებაა. სიტიმ პირველ ტურში პორტუ 2:0 დაამარცხა, თუმცა მათი რეალური ძალა პსჟ-სა და ბარსელონას წინააღმდეგ გამოჩნდება.
4. მიუნხენის ბაიერნი: ვენსან კომპანის გუნდმა ბუდე-გლიმტი 5:0 გაანადგურა. ჰარი კეინის სარეკორდო შედეგიანობა და მაიკლ ოლისეს ბრწყინვალე ფორმა ბავარიელებს ტურნირის ერთ-ერთ მთავარ ფავორიტად აქცევს.
3. ბარსელონა: ჰანსი ფლიკის გუნდმა პირველ 5 მატჩში 22 გოლი გაიტანა, ხოლო ლიგაზე ფეიენოორდი 5:1 დაამარცხა. როდრის დამატებამ გუნდის ნახევარდაცვა კიდევ უფრო გააძლიერა.
2. არსენალი: გასული სეზონის ფინალისტმა პირველ ტურში ნაპოლი 1:0 დაამარცხა. მიკელ არტეტას გუნდს აქვს რესურსი და სიღრმე, რომ მიმდინარე სეზონში კიდევ უფრო შორს წავიდეს.
1. პარი სენ-ჟერმენი: მოქმედმა ჩემპიონმა სლოვან ბრატისლავა 6:1 გაანადგურა. მიუხედავად იმისა, რომ შიდა ჩემპიონატში არასტაბილურად დაიწყეს, ლუის ენრიკეს გუნდი ვიტინიას, ჟოაო ნევესის, დემბელესა და ხვიჩა კვარაცხელიას დახმარებით, ტურნირის მთავარ ფავორიტად რჩება.
