არსენალმა მადრიდის ატლეტიკოს სტადიონი კმაყოფილმა დატოვა, თუმცა მაინც დარჩებოდა განცდა, რომ გუნდი მეტს იმსახურებდა.
მატჩში დაფიქსირებული ფრე (1-1) არსენალს ფავორიტად აქცევს ჩემპიონთა ლიგის ფინალში გასასვლელად, რადგან მათ იციან, რომ საკუთარ მოედანზე გამარჯვება საკმარისი იქნება.
ოთხშაბათს საკამათო პენალტი დაინიშნა, რამაც მიკელ არტეტას უკმაყოფილება გამოიწვია განსაკუთრებით მას შემდეგ, რაც VAR-ის განხილვის შემდეგ ებერეჩი ეზეს წინააღმდეგ დანიშნული პენალტი გაუქმდა.
VIDEO: საკამათო ეპიზოდი - უნდა გაუქმებულიყო თუ არა პენალტი ეზეზე?
მანამდე ატლეტიკომ ანგარიში სწორედ პენალტით გაათანაბრა, რომელიც ბენ უაითის ხელით თამაშის გამო დაინიშნა. ბურთი მას ჯერ წვივზე მოხვდა და იქიდან აესხლიტა ხელზე. ეს იყო აშკარა მაგალითი იმისა, რომ პრემიერ ლიგასა და ჩემპიონთა ლიგაში ხელით თამაშის წესები განსხვავებულია. არტეტამ აღნიშნა, რომ პრემიერ ლიგაში ეს პენალტი არ იქნებოდა.
პრემიერ ლიგაში ხელის ყოველი შეხება ბურთთან დარღვევად არ ითვლება და მხედველობაში მიიღება სხეულის მოძრაობა კონკრეტულ სიტუაციაში. ინგლისში თუ ბურთი აშკარა ასხლეტით ხვდება ხელს და მისი ტრაექტორია მნიშვნელოვნად იცვლება, ეს უფრო მეტ წონას ატარებს, ვიდრე ხელის მდებარეობა. უეფას ტურნირებზე ხელით თამაშის წესების მიმართ გაცილებით მკაცრი პოზიცია აქვთ.
ბენ უაითის შემთხვევაში ჩაითვალა, რომ მისი ხელი არაბუნებრივ მდგომარეობაში იყო და წვივიდან ასხლეტა საკმარისი არ აღმოჩნდა პენალტის გასაუქმებლად.
