რობერტო დე ძერბიმ ტოტენჰემის ფეხბურთელებსა და გულშემატკივრებს ემოციური სიტყვით მიმართა და კიდევ ერთხელ გაუსვა ხაზი თავის რწმენას, რომ გუნდს პრემიერ ლიგაში დარჩენისთვის დარჩენილი მატჩების მოგება შეუძლია.
მიუხედავად იმისა, რომ კლუბი გავარდნის საფრთხის წინაშეა, იტალიელი სპეციალისტი პოზიტიურ განწყობას ინარჩუნებს და აცხადებს, რომ მისი მთავარი გამოწვევა ნეგატიური აზრების დათრგუნვაა.
დე ძერბიმ აღნიშნა, რომ გუნდმა ყურადღება არ უნდა გაამახვილოს ისეთ ფაქტორებზე, როგორიცაა ტრავმები (კერძოდ, ჩავი სიმონსის მძიმე დაზიანება), იღბალი ან სტადიონის საფარის მდგომარეობა.
მისი თქმით, ეს ყველაფერი „სისულელეა“, რადგან გუნდს ჰყავს მაღალი დონის მოთამაშეები, როგორებიც არიან პედრო პორო, უდოგი, ბენტანკური, ბისუმა, პალინია, გალაგერი, რიშარლისონი, კოლო მუანი და მათისი ტელი. მწვრთნელი მიიჩნევს, რომ ასეთი შემადგენლობით რეალისტურია ზედიზედ რამდენიმე გამარჯვების მოპოვება, რისი პირველი ნაბიჯიც გასულ უქმეებზე ვულვზთან 1-0 გამარჯვება იყო.
