ცნობილი ბრიტანელი ტელეწამყვანი და ჟურნალისტი, პირს მორგანი ლიონელ მესის სანაკრებო კარიერის დასრულებას X-ზე (ყოფილ Twitter-ზე) გამოეხმაურა და განაცხადა, რომ ისტორიაში საუკეთესო ფეხბურთელის (GOAT) ვინაობა საბოლოოდ გაირკვა.
მორგანმა საკუთარი პოზიცია საერთაშორისო დონეზე გატანილი გოლების რაოდენობით გაამყარა.
პირს მორგანის პოსტები სოციალურ ქსელში
მესის შესახებ: „ახალი ამბავი: ლიონელ მესიმ არგენტინის ნაკრებში კარიერა 125 გატანილი გოლით დაასრულა, რითაც ის საერთაშორისო ბომბარდირთა სიაში მეორე ადგილზეა“.
BREAKING: ლიონელ მესიმ სანაკრებო კარიერა დაასრულა
რონალდუს შესახებ: „კრიშტიანუ რონალდუს პორტუგალიის ნაკრებში 146 გოლი აქვს გატანილი, რაც ფეხბურთის ისტორიაში საერთაშორისო დონეზე საუკეთესო მაჩვენებელია. ეს ასრულებს დებატებს იმის თაობაზე, თუ ვინ არის ისტორიაში საუკეთესო მოთამაშე“.
აღსანიშნავია, რომ ბრიტანელ ტელეწამყვანსა და ალ-ნასრის პორტუგალიელ ვარსკვლავს დიდი ხნის ახლო მეგობრობა აკავშირებთ, რის გამოც მორგანი მესისა და რონალდუს მრავალწლიან საფეხბურთო დაპირისპირებაში ყოველთვის კრიშტიანუს მხარეს იჭერს.
