დიდი სხვაობით მარცხი - დილა აპოლონთან განადგურდა

დილა გორი, კონფერენს ლიგის მე-2 საკვალიფიკაციო ეტაპის პირველ მატჩში, კვიპროსულ აპოლონთან შინ 0:4 დამარცხდა.

მე-40 წუთისთვის, კვიპროსელები 2:0-ს იგებდნენ, როცა ნანა კოფი დონკორი გააძევეს და გორელები 10 კაცით დარჩნენ. მეორე ნახევარში სტუმრებმა კიდევ ორი გოლი გაიტანეს და ორმატჩიანი დუელის ბედი, ფაქტობრივად, პირველსავე შეხვედრაში გადაწყვიტეს.

გუნდებს შორის საპასუხო თამაში 28 ივლისს, კვიპროსზე გაიმართება.

დილასა და აპოლონის წყვილში გამარჯვებული, მე-3 საკვალიფიკაციო ეტაპზე, რუმინულ კლუჟს ან ნორვეგიულ ბრანს დაუპირისპირდება.