დუბაის საკალათბურთო კლუბი ბარსელონას ქართველი კალათბურთელის, თორნიკე შენგელიას გადაბირებას აქტიურად ცდილობს.
გავრცელებული ინფორმაციით, კლუბი მზადაა დაახლოებით ერთი მილიონი ევრო გადაიხადოს კალათბურთელის გამოსასყიდად, ამასთანავე, შენგელიას შესთავაზოს საკმაოდ სოლიდური ხელფასი.
მიუხედავად იმისა, რომ ოფიციალური შეთანხმება ჯერ არ არსებობს, დუბაის მხრიდან ინტერესი საკმაოდ მაღალია.
ბარსელონასთვის ეს შესაძლო ტრანსფერი რთული ზაფხულის პერიოდში კიდევ ერთი სერიოზული დანაკლისი იქნება, რადგან გუნდმა შესაძლოა წამყვანი მოთამაშე დაკარგოს.
თორნიკე შენგელია თავისი გამოცდილებითა და ფიზიკური მონაცემებით ევროპული კალათბურთის ერთ-ერთი ყველაზე გამორჩეული ფიგურაა, რაც მას დუბაის ახალი პროექტისთვის მიმზიდველ კანდიდატად აქცევს.
