ბარსელონა მზად არის, მიმდინარე ზაფხულს ფერან ტორესი გაყიდოს, რათა თავიდან აიცილოს მანჩესტერ სიტისთვის დამატებითი თანხის გადახდა.
The Athletic-ის ცნობით, 26 წლის ფეხბურთელი კატალონიურ კლუბში 2022 წლის იანვარში გადავიდა. თავდაპირველი 55 მილიონი ევროს გარდა, ბარსელონამ უკვე გადაიხადა 10 მილიონი ევრო ბონუსების სახით, თუმცა კონტრაქტის გახანგრძლივების შემთხვევაში, მათ მანჩესტერ სიტისთვის კიდევ 8 მილიონი ევროს გადახდა მოუწევთ.
ბარსელონას ხელმძღვანელობას არ სურს, გარისკოს და მომავალ წელს ფეხბურთელი უფასოდ დაკარგოს, ამიტომ მის გაყიდვას განიხილავენ.
ტორესის მიმართ ინტერესს პარი სენ-ჟერმენი იჩენს, თუმცა ოფიციალური შეთავაზება ჯერ არ გაკეთებულა. 2025-26 წლების სეზონში ფერანმა 49 შეხვედრაში 21 გოლი გაიტანა და გუნდს ლა ლიგის ტიტულის შენარჩუნებაში დაეხმარა, თუმცა იანვრიდან აპრილამდე გოლის გარეშე ჩატარებულმა 14-მა მატჩმა მისი სტაბილურობის შესახებ კითხვები გააჩინა.
აღსანიშნავია, რომ ბარსელონას წინა ხაზში სერიოზული ცვლილებებია: რობერტ ლევანდოვსკი კონტრაქტის ამოწურვის შემდეგ ჩიკაგო ფაიერში გადავიდა. კატალონიელებმა უკვე გაიფორმეს ენტონი გორდონი ნიუკასლიდან, ახლოს არიან დორტმუნდის თავდამსხმელ კარიმ ადეიემის შეძენასთან და კვლავ ცდილობენ მადრიდის ატლეტიკოს მოთამაშის, ხულიან ალვარესის გადმობირებას, რომელიც კლუბის მთავარი სამიზნეა ცენტრფორვარდის პოზიციაზე.
