"ძალიან ვწუხვარ", — ენცო ფერნანდესი მარესკას გაშვებაზე

ჩელსის ნახევარმცველმა ენცო ფერნანდესმა მთავარი მწვრთნელის პოსტიდან ენცო მარესკას გათავისუფლებაზე გააკეთა კომენტარი.

ლონდონურმა კლუბმა მარესკას წასვლა 1 იანვარს ოფიციალურად დაადასტურა. გუშინ კი ჩელსიმ პრემიერ ლიგის 20-ე ტურში მანჩესტერ სიტისთან 1:1 ითამაშა — გამათანაბრებელი გოლი დამატებით დროში სწორედ ფერნანდესმა გაიტანა.

„ჩვენთვის რთული კვირა იყო. დღეს კი გუნდის გამო ბედნიერები ვართ“.

ენცო მარესკას გათავისუფლებაზე:

„ეს ჩვენთვის რთული მომენტია. ის ტოპ-მწვრთნელია. ძალიან ვწუხვარ, მაგრამ ეს ფეხბურთის ნაწილია. ჩვენ წინ ვიხედებით და გზას ვაგრძელებთ“, — განაცხადა ფერნანდესმა.