მანჩესტერ სიტის მთავარმა მწვრთნელმა პეპ გვარდიოლამ რუბენ ამორიმის მანჩესტერ იუნაიტედიდან გათავისუფლებაზე ისაუბრა და პორტუგალიელი სპეციალისტის მიმართ მხარდაჭერა გამოხატა.
„რუბენ ამორიმი ტოპ-მწვრთნელია. ჩვენმა მეზობლებმა ასეთი გადაწყვეტილება მიიღეს, მაგრამ მე რუბენს მომავალში მხოლოდ საუკეთესოს ვუსურვებ.
გვარდიოლამ ასევე ისაუბრა პრემიერ ლიგაში მწვრთნელების ზეწოლაზე ლა ლიგასა და ბუნდესლიგასთან შედარებით.
„მსგავსი სიტუაციებია. არ არსებობს ისეთი ლიგა, სადაც უსაფრთხოდ ხარ, თუ არ იგებ. შედეგების გარეშე არაფერს აქვს მნიშვნელობა. მწვრთნელებს ნიშნავენ მათი იდეების გამო, ხოლო უშვებენ შედეგების გამო. ზოგჯერ დროა საჭირო.
ბოლო მატჩში მანჩესტერ იუნაიტედს ბევრი ფეხბურთელი აკლდა — ზოგჯერ ამას ძალიან რთულად უმკლავდები. ყოველთვის მძიმეა, როცა მნიშვნელოვანი ფეხბურთელები არ თამაშობენ“. — აღნიშნა ესპანელმა სპეციალისტმა.
