ნიდერლანდების ჩემპიონატის მე-5 ტურში ვიტესი შინ როტერდამის ექსელსიორთან 0:3 დამარცხდა.
ამ გამარჯვების შემდეგ როტერდამული გუნდი მე-4 ადგილზეა, ოთხ ტურში 9 ქულა დააგროვა და ლიდერ პსვ-ს 4 ქულით ჩამორჩება, თუმცა ერთი მატჩი გამოტოვებული აქვს.
მატჩის შემდეგ ირაკლი ეგოიანმა ESPN-თან ისაუბრა და აღნიშნა:
ბიჭები მეუბნებიან, რომ ვარჯიშებზე ძალიან ბევრ ფინტს ვაკეთებ, მაგრამ ეს მუშაობს. ჩვენ ამაზე მართლა ძალიან ბევრს ვვარჯიშობთ. შემდეგ კი თამაშში კარგად გამოგვდის, რაც სასიამოვნოა. ვფიქრობ, ძალიან კარგი გუნდი გვყავს, სადაც ბევრი მებრძოლია.
მიმაჩნია, რომ ხარისხობრივადაც მაღალ დონეზე ვართ, მაგრამ ჩვენი მთავარი ძალა ის არის, რომ ყველა ერთად, ერთი მიზნისთვის ვიბრძვით. ისეთი განცდა, როგორიც ამ სეზონში მაქვს, აქამდე არასდროს მქონია. ეს მართლაც უმაღლესი გრძნობაა.
