რეალის ახალი შენაძენი - ვის კარიერას ანგრევს ეს ტრანსფერი?

მადრიდის რეალმა გონსალო გარსიას ფულემში წასვლის შემდეგ მისი შემცვლელი უსწრაფესად იპოვა.

სამეფო კლუბმა ლევანტეს 25 მილიონი ევრო გადაუხადა და 21 წლის ესპანელი თავდამსხმელი, კარლოს ესპი 2031 წლამდე დაიმატა.

ახალი ფორვარდის მოსვლა ყველაზე მძიმედ ენდრიკის სიტუაციაზე აისახება. ბრაზილიელს, რომელიც გასულ ზამთარს სათამაშო დროის უქონლობის გამო ლიონში იყო განათხოვრებული, იმედი ჰქონდა, რომ გუნდში თავის ადგილს საბოლოოდ დაიმკვიდრებდა, თუმცა რეალის ხელმძღვანელობამ განსხვავებული არჩევანი გააკეთა.

მადრიდულ კლუბში შემტევების პოზიციაზე უდიდესი კონკურენციაა. ახლა რეალმა უნდა გადაწყვიტოს, რა ბედი ელის ბრაზილიელს, რომელშიც 2024 წელს 60 მილიონი ევრო გადაიხადეს. განიხილება როგორც მისი ხელახალი იჯარა, ისე სრული ტრანსფერი ეკონომიკური უფლებების ნაწილის შენარჩუნებით.