ეგვიპტე პლეი-ოფში გავიდა - ავსტრალია დამარცხებულია

ეგვიპტის ეროვნულმა ნაკრებმა 2026 წლის მსოფლიო ჩემპიონატზე ავსტრალია პენალტების სერიაში დაამარცხა და ტურნირის მერვედფინალში გავიდა.

მატჩის ძირითადი და დამატებითი დრო ფრედ, 1:1 დასრულდა. ეგვიპტელთა მხრიდან გოლი ემამ აშურმა გაიტანა, ხოლო ავსტრალიამ ანგარიში მეორე ტაიმის დასაწყისში მოჰამედ ჰანის ავტოგოლით გაათანაბრა.

პენალტების სერიის წინ ავსტრალიის ნაკრების მთავარმა მწვრთნელმა, ტონი პოპოვიჩმა, 22 წლის პატრიკ ბიჩის ნაცვლად გამოცდილი მეკარე მეთიუ რაიანი შეიყვანა, თუმცა ამ გადაწყვეტილებამ არ გაამართლა, რადგან არცერთ მეკარეს პენალტების მოგერიება არ დასცალდა.

ავსტრალიელთა მხრიდან გადამწყვეტი დარტყმები ჰარი სუტარმა და ლუკას ჰერინგტონმა ვერ გამოიყენეს, რამაც ეგვიპტეს ისტორიული გამარჯვება მოუტანა. ამ წარმატებით ეგვიპტე გახდა მეორე აფრიკული გუნდი, რომელმაც პლეი-ოფის ეტაპზე ასპარეზობის უფლება მოიპოვა.

შემდეგ ეტაპზე ეგვიპტელები არგენტინისა და კაბო-ვერდეს ნაკრებებს შორის გამარჯვებულს შეხვდებიან.