ეგვიპტის ნაკრების მთავარმა მწვრთნელმა ჰოსამ ჰასანმა განაცხადა, რომ ის მსოფლიო ჩემპიონატის ყურებას აღარ აპირებს მას შემდეგ, რაც მისმა გუნდმა არგენტინასთან დრამატული მატჩი, მისი თქმით უსამართლობის გამო წააგო.
ეგვიპტე მატჩს 2-0 იგებდა, თუმცა არგენტინელებმა ანგარიშის გათანაბრება და საბოლოოდ გამარჯვება მოახერხეს.
მწვრთნელის აღშფოთება გამოიწვია მატჩის მსვლელობისას მომხდარმა რამდენიმე სადავო ეპიზოდმა, მათ შორის მუსტაფა ზიკოს გაუქმებულმა გოლმა, რომელიც მსაჯმა შეტევის ფაზაში დაფიქსირებული დარღვევის გამო არ ჩათვალა.
ეგვიპტელები განსაკუთრებით უკმაყოფილონი დარჩნენ ფრანგი მსაჯის, ფრანსუა ლეტექსიეს მოქმედებით, რომელმაც ენცო ფერნანდესის გამარჯვების გოლამდე მომხდარი დარღვევა არ დააფიქსირა. ჰასანმა აღნიშნა, რომ მათ მატჩამდეც ჰქონდათ პრეტენზია ამ მსაჯის არჩევასთან დაკავშირებით.
ჰასანმა მკაცრად გააკრიტიკა ფიფა და განაცხადა, რომ ორგანიზაციას სურს მესი ტურნირში დარჩეს, რადგან ისინი მხოლოდ ფულზე ფიქრობენ. მან აღნიშნა, რომ ფეხბურთში ბევრი რამ მოედნის მიღმა, ინტერესების გამო ხდება და ის, რაც მოხდა, უსამართლო იყო, რადგან ეგვიპტე უკეთესი გუნდი იყო და გასვლას იმსახურებდა.
არგენტინის მწვრთნელმა, ლიონელ სკალონიმ, მატჩის შემდეგ ემოციები ვერ შეიკავა და მესის გამბედაობაზე ისაუბრა, რომელიც პენალტის გაფუჭების მიუხედავად, ბრძოლას არ წყვეტდა და მთელი გუნდისთვის მაგალითი იყო.
