ვინ იფიქრებდა, რომ ინფლუენსერიდან მოკრივედ ქცეული ჯეიკ პოლის ბრძოლა მსუბუქი წონის ჩემპიონ ჯერვონტა დევისიდან მძიმე წონის ყოფილ ჩემპიონ ენტონი ჯოშუაზე გადავიდოდა.
პოლი დევისს 15 ნოემბერს უნდა შეხვედროდა, მაგრამ დაპირისპირება არ შედგა, რადგან დევისის ყოფილმა შეყვარებულმა მის წინააღმდეგ სამოქალაქო სარჩელი შეიტანა.
ახალი ცნობის მიხედვით, Netflix ახლა პოლისა და ჯოშუას პროფესიულ ბრძოლაზე გადადის. ხუთშაბათს, Ring Magazine-ის მაიკ კოპინგერმა განაცხადა, რომ ჯოშუა–პოლი 19 დეკემბერს, მაიამიში, ფლორიდაში გაიმართება.
პოლისთვის ეს საგამოფენო ბრძოლა არ იქნება, ის დევისთან შეხვედრისთვის ემზადებოდა. ეს მოკლე ვადაში დანიშნული პროფესიული მძიმე წონის ბრძოლაა, რომელიც წლის ბოლომდე ჩატარდება.
დევისთან ბრძოლის ჩაშლის შემდეგ, პოლის გუნდმა ტერენს კროუფორდს, რაიან გარსიას, ნეიტ დიაზსა და ფრენსის ნგანუს მიმართა.
ჯოშუა, მძიმე წონის ტოპ-10 მოკრივე, დენიელ დუბუასთან TKO მარცხიდან მოდის, რომელიც 2024 წლის სექტემბერში მოხდა. ჯოშუამ ბოლო ხუთი ბრძოლიდან ოთხი მოიგო, მათ შორის იყო ნოკაუტით გამარჯვება UFC-ის მძიმე წონის ყოფილ ჩემპიონ ნგანუს წინააღმდეგ.
სავარაუდოდ, პოლი–ჯოშუას ბრძოლას Netflix-ზე ბევრი მაყურებელი ეყოლება. პოლი არის ყველაზე მეტი ნახვის მქონე ბრძოლის (ლეგენდარულ მაიკ ტაისონთან შარშან ნოემბერში გამართული დაპირისპირება) ერთ-ერთი მონაწილე.
პოლმა ბოლო ბრძოლაში WBC-ის საშუალო წონის ყოფილ ჩემპიონ ხულიო სესარ ჩავეს უმცროსთან ერსთულოვანი გადაწყვეტილებით მოიპოვა გამარჯვება, რომელიც ივნისში გაიმართა.
ფინანსურად, ეს, სავარაუდოდ, პოლის კარიერის ერთ-ერთ ყველაზე მაღალანაზღაურებად ბრძოლად იქცევა, მიუხედავად იმისა, მოიგებს თუ წააგებს.
