ერთა ლიგის წილისყრა - საქართველოს ნაკრების მეტოქეები ცნობილია

ბელგიის დედაქალაქ ბრიუსელში, ერთა ლიგის 2026-27 წლების გათამაშების ჯგუფური ეტაპის წილისყრა გაიმართა.

საქართველოს ნაკრები B დივიზიონის მე-3 კალათში იყო, წილისყრის შედეგად, მისი მეტოქეები უნგრეთის, უკრაინისა და ჩრდ. ირლანდიის ნაკრებები გახდნენ.

ლიგის ეტაპი, გახანგრძლივებული საერთაშორისო ფანჯრით, 2026 წლის 24 სექტემბრიდან დაიწყება და 6 ოქტომბრამდე გაგრძელდება - გუნდები 13-დღიან მონაკვეთში 4 მატჩს ჩაატარებენ, მეორე სანაკრებო პაუზა კი 12-17 ნოემბერს იქნება.

I ტური: 24-26 სექტემბერი;

II ტური: 27-29 სექტემბერი;

III ტური: 30 სექტემბერი - 3 ოქტომბერი;

IV ტური: 4-6 ოქტომბერი;

V ტური: 12-14 ნოემბერი;

VI ტური: 15-17 ნოემბერი.

2026-27 წლების ერთა ლიგა ევრო 2028-ის საკვალიფიკაციო ეტაპთან იქნება დაკავშირებული. ერთა ლიგაზე მიღწეული შედეგების საფუძველზე, შესაბამის გუნდებს ევროპის ჩემპიონატის ფინალური ტურნირის პლეი-ოფებში მოხვედრისთვის დამატებითი შანსი მიეცემა.