სერბეთის დედაქალაქ ბელგრადში გამართულ შერეული ორთაბრძოლების (MMA) ევროპის ასაკობრივ ჩემპიონატზე ქართველმა სპორტსმენებმა ისტორიული შედეგი აჩვენეს.
ტურნირი 12-დან 18 წლამდე ასაკის ათლეტებს შორის ჩატარდა, ჩვენი ქვეყნის წარმომადგენლებმა 4 ასაკობრივ კატეგორიაში საერთო ჯამში 2 ოქროს, 7 ვერცხლისა და 8 ბრინჯაოს მედალი მოიპოვეს.
ელენე გლურჯიძე (48 კგ.) და სინან მამედოვი (52 კგ.) ევროპის ჩემპიონები გახდნენ, ვერცხლის მედალი კი შამილ მაგამედოვმა, ალექსანდრე სანიკიანმა, ლუკა ბერიძემ, ნოდარ ნოზაძემ, გეგა კორძაიამ, ღვთისო კვიციანმა და გიორგი პირველმა მოიპოვეს.
ევროპის ჩემპიონატის ბრინჯაოს პრიზიორები ცოტნე გელაშვილი, ცოტნე ბიზიკაშვილი, ლაშა რეხვიაშვილი, დავით ნინიაშვილი, ბესარიონ კატშანი, თორნიკე ბაქრაძე, დიტო ანთია და საბა ბაკურაძე გახდნენ.
