რომელ ქვეყნებთან ერთადაა საქართველო მსოფლიო თასზე - ყველა მონაწილე ცნობილია

საქართველოს წყალბურთის ნაკრები მსოფლიო თასის ფინალურ ეტაპზე ისტორიაში პირველად ითამაშებს.

ტურნირის 8-გუნდიან სუპერ ფინალს ავსტრალიის ქალაქი სიდნეი უმასპინძლებს. გუშინდელი შედეგებით, მონაწილე 8-ვე გუნდი უკვე გარკვეულია.

მასპინძელი ავსტრალიის გარდა, 1-ელი დივიზიონიდან სუპერ ფინალში თამაშის უფლება ხორვატიის, საბერძნეთის, უნგრეთის, იტალიისა და ესპანეთის ნაკრებებმა მიიღეს, ხოლო მე-2 დივიზიონიდან საგზურს საქართველოსა და მონტენეგროს ნაკრებები დაეუფლნენ.

ტურნირი 23-26 ივლისსაა ჩანიშნული: 23-ში 1/4 ფინალებია, 25-ში - 1/2 ფინალები, ხოლო 26-ში ფინალი და მე-3 ადგილისთვის მატჩი.

მატჩის დღე - მსოფლიოს საკვალიფიკაციოს ფინალში მონტენეგროს ვხვდებით

ფოტო: საქართველოს საწყლოსნო სპორტის სახეობათა ფედერაცია