ესპანური კლუბი ლუკა ლაცაბიძით ინტერესდება

სპორტული ჟურნალისტი რუდი გალეტი ლუკა ლაცაბიძის შესახებ საინტერესო ინფორმაციას ავრცელებს.

წყაროს ცნობით, კადისმა შახტარს ქართველი ფეხბურთელის სეზონის ბოლომდე იჯარით აყვანის შესახებ მიმართა.

თუ კლუბები შეთანხმებას მიაღწევენ, ქართველი ცენტრალური მცველი, რომელიც ამჟამად დინამო თბილისის რიგებში იჯარით თამაშობს, ჯერ უკრაინულ კლუბში დაბრუნდება და შემდეგ გადავა ესპანეთში. გალეტის თქმით, მხარეებს შორის მოლაპარაკებები მიმდინარეობს.

შეგახსენებთ, რომ კადისის წევრი კიდევ ერთი ქართველი იური ტაბატაძეა, რომელმაც ახლახანს მუხლის მძიმე ტრავმა მიიღო და მისთვის სეზონი ნაადრევად დასრულდა.

21 წლის ლუკა ლაცაბიძე შახტარში 2024 წელს სწორედ დინამო თბილისიდან გადავიდა, შემდეგ კი იჯარის წესით ოდესის ჩერნომორეცში ითამაშა, ახლა კი ისევ თბილისურ გუნდშია.