იტალიელი სპორტული ჟურნალისტი, ნიკოლო სკირა საბა გოგლიჩიძის შესახებ ინფორმაციას ავრცელებს.
წყაროს ცნობით, ქართველი მცველი გერმანელი მწვრთნელის, კოსტა რუნიაიჩის გეგმებში აღარ შედის და შესაძლოა იანვრის სატრანსფერო ფანჯარაზე უდინეზე დატოვოს.
როგორც იტალიური Messaggero Veneto იუწყება, საბა გოგლიჩიძე შესაძლოა უოტფორდში გიორგი ჩაკვეტაძეს შეუერთდეს.
21 წლის მცველი უდინეზეს 2025 წლის ზაფხულში ემპოლიდან შეუერთდა და კლუბთან კონტრაქტი 2030 წლამდე გააფორმა. მან სერია ა-ში მხოლოდ 4 მატჩი ჩაატარა.
გოგლიჩიძეს საქართველოს ეროვნულ ნაკრებში 6 შეხვედრა აქვს ჩატარებული. მისი სატრანსფერო ღირებულება Tranfermarkt-ის მიხედვით 4.5 მილიონი ევროა.
