ევრობასკეტ 2025-ის წილისყრა - ყველაფერი, რაც უნდა ვიცოდეთ

27 მარტს, ლატვიის დედაქალაქ რიგაში ევრობასკეტ 2025-ის ჯგუფური ეტაპის წილისყრა გაიმართება.

ტურნირის 4 მასპინძელი ქვეყანა თითო ჯგუფს უმასპინძლებს. უკვე ცნობილია თუ რომელ ქვეყანაში რომელი ჯგუფის მატჩები გაიმართება და ასევე მასპინძელმა ქვეყნებმა უკვე აირჩიეს თითო გუნდი, რომელიც მათ ჯგუფში ითამაშებს.

A ჯგუფის მატჩებს ლატვიის დედაქალაქი რიგა უმასპინძლებს, ლატვიამ თავის ჯგუფში ესტონეთი აირჩია.

B ჯგუფის შეხვედრები ფინეთის ქალაქ ტამპერეში ჩატარდება, ფინელებმა მეტოქედ ლიეტუვა დაასახელეს.

C ჯგუფის თამაშებს კვიპროსის ქალაქ ლიმასოლში ვიხილავთ, კვიპროსის გარანტირებული მეტოქე საბერძნეთი იქნება.

D ჯგუფის მატჩები კი პოლონეთის ქალაქ კატოვიცეში გაიმართება, პოლონეთის არჩევანი თავის ჯგუფში ისლანდიაზე შეჩერდა.

რახან მე-2 კალათიდან ლატვია, ლიეტუვა და საბერძნეთი A, B და C ჯგუფებში გადანაწილდნენ, ეს იმას ნიშნავს, რომ პოლონეთთან და ისრაელთან ერთად D ჯგუფში სლოვენიაც იქნება.

წილისყრის წინ გუნდები კალათებში ასე გადანაწილდნენ.

კალათა 1 - სერბეთი, გერმანია, საფრანგეთი, ესპანეთი

კალათა 2 - ლატვია, ლიეტუვა, სლოვენია, საბერძნეთი

კალათა 3 - იტალია, მონტენეგრო, პოლონეთი, ჩეხეთი

კალათა 4 - ფინეთი, საქართველო, თურქეთი, ისრაელი

კალათა 5 - ბელგია, ბოსნია და ჰერცეგოვინა, ესტონეთი, დიდი ბრიტანეთი

კალათა 6 - შვედეთი, ისლანდია, პორტუგალია, კვიპროსი

ევრობასკეტ 2025 სტარტს 27 აგვისტოს აიღებს და 14 სექტემბრამდე გაგრძელდება.