ევრობასკეტ 2025-ზე მე-4 ტურის მატჩები მიმდინარეობს.
3 მარცხის შემდეგ მონტენეგრომ ტურნირზე პირველი გამარჯვება მოიპოვა და შვედეთი 81-87 დაამარცხა. გამარჯვებულ გუნდს ნიკოლა ვუჩევიჩმა ულიდერა, რომელმაც 23 ქულა და 15 მოხსნა დააგროვა.
უდანაკარგოა თურქეთის ნაკრები, რომელმაც მე-4 შეხვედრა მოიგო. ამჯერად თურქებმა ესტონეთი დაამარცხეს 64-84. ალფერენ შენგუნმა 21 ქულა, 8 მოხსნა და 5 შედეგიანი გადაცემა ჩაიწერა აქტივში.
გამანადგურებელი ანგარიშით იმარჯვა გერმანიამ, რომელმაც დიდ ბრიტანეთს 63-ქულიანი სხვაობით (120-57) სძლია. გერმანელებიდან ყველაზე მეტი ქულა ტრისტან და სილვამ მოაგროვა (25 ქულა).
გერმანიის ნაკრებისთვის ეს 1969 წლის შემდეგ ყველაზე დიდი გამარჯვება აღმოჩნდა.
თურქების მსგავსად გერმანელებიც უდანაკარგო არიან და ჯგუფს დამაჯერებლად უდგანან სათავეში.
