FA Cup-ზე ორი 1/2 ფინალისტი გაირკვა

ინგლისის FA თასზე ორი 1/2 ფინალისტი გაირკვა.

პირველ შეხვედრაში კრისტალ პალასმა სტუმრად ფულემი 3:0 გაანადგურა და საუკეთესო ოთხეულში დამაჯერებლად გავიდა.

მეორე მატჩში კი ბრაიტონმა ნოტინგემს უმასპინძლა. გუნდებს შორის გამარჯვებულის გამოვლენა (0:0) თამაშიდან ვერ მოხერხდა და საქმე პენალტებამდე მივიდა, სადაც გამარჯვება ფორესტს დარჩა. პენალტების სერიაში ბრაიტონმა 5-დან 3 გოლი გაიტანა, ნოტინგემმმა კი - 4.

კიდევ ორი ნახევარფინალისტი დღეს გაირკვევა, სადაც პრესტონი ასტონ ვილას უმასპინძლებს, ბორნმუთი კი - მან სიტის. პირველი მატჩი თბილისის დროით 16:30 საათზე გაიმართება, მეორე - 19:30-ზე.