ჩაბი ალონსოს მომავალს მომდევნო თამაში გადაწყვეტს.
Marca-ს ინფორმაციით, სამეფო კლუბის ხელმძღვანელობამ გადაწყვეტილება მიიღო - თუ რეალი ოთხშაბათს ჩემპიონთა ლიგაზე მან სიტისთან წააგებს, ესპანელ სპეციალისტს თანამდებობიდან გაუშვებენ.
განსაკუთრებით მძიმედ რეალს სიტუაცია ლა ლიგაში აქვს, გუნდმა ბოლო 15 შესაძლოდან მხოლოდ 6 ქულა აიღო და ბარსელონასთან 5-ქულიანი უპირატესობა 4-ქულიან ჩამორჩენად გადაიქცა.
კიდევ უფრო მეტად ჩაბის სიტუაციას გაყოფილი გასახდელი ამძიმებს - ფეხბურთელების დიდი ნაწილი მის იდეებს და ხედვებს არ იზიარებს და მწვრთნელი ატმოსფეროს გაუმჯობესებას ვერ ახერხებს.
რეალმა ალონსო მოიყვანა როგორც სისტემური მწვრთნელი, რომელიც გასახდელში თავის წესებს და მოთხოვნებს ჩამოაყალიბებდა, თუმცა რეალობა განსხვავებული აღმოჩნდა - რეალი დღეს არ გამოიყურება როგორც სისტემური ფეხბურთის მოთამაშე გუნდი და არც გასახდელშია უკეთესი სიტუაცია.
ერთი სიტყვით, შეიძლება ითქვას, რომ ჩაბი ალონსოს ახლო მომავალი პეპ გვარდიოლას და მან სიტის ხელშია.
