VIDEO: რეალის ზედიზედ მე-2 მარცხი ლა ლიგაში — ბარსელონა 4 ქულით წინ გაიჭრა
02 მარ, 2026 · 0 წთ წასაკითხად
-
Aa
+
ფონტის ზომა
ლა ლიგის 26-ე ტურში მადრიდის რეალი შინ ხეტაფესთან დამარცხდა.
შეხვედრა სტუმართა გამარჯვებით 1:0 დასრულდა, რომლებმაც სანტიაგო ბერნაბეუზე 2008 წლის შემდეგ პირველი გამარჯვება მოიპოვეს.
მატჩის ერთადერთი გოლი 39-ე წუთზე სატრიანომ ულამაზესი შორეული დარტყმით შეაგდო და ხეტაფეს 18-წლიანი პაუზის შემდეგ ლეგენდარულ სტადიონზე გამარჯვება მოუტანა.
ამ შეხვედრაში რეალს ტრავმის გამო მბაპე, ბელინგემი და ედუარდო კამავინგა აკლდნენ, შეტევის მთავარი იმედი ვინისიუსი კი ხეტაფეს დაცვის ბარიერების გადალახვაში გუნდს ვერ დაეხმარა.
გუნდებმა თამაში 10-10 ფეხბურთელით დაასრულეს, ჯერ 90+5 წუთზე ლაპარაკისთვის წითელი ბარათი მასტანტუონომ მიიღო, ორ წუთში კი სტუმართა ფეხბურთელმა ლისომ მეორე ყვითელი მიიღო და ასევე ცოტათი ადრე დატოვა მინდორი.
არბელოას გუნდისთვის ეს ზედიზედ მე-2 მარცხია ჩემპიონატში — წინა ტურში გუნდი სტუმრად ოსასუნასთან (1:2) დამარცხდა. ამ წაგების შედეგად ბარსელონასთან ჩამორჩენა 4 ქულამდე გაიზარდა, მადრიდელებს 60 ქულა დარჩათ, კატალონიელები კი ცხრილს 64-ით ლიდერობენ.
