გაგრადან აზიაში - რატი არდაზიშვილი ჩინეთის რანგით მე-2 ლიგაში მიდის
3 სთ წინ · 0 წთ წასაკითხად
ლინკის დაკოპირება
-
Aa
+
ფონტის ზომა
ვაკო ყაზაიშვილის შემდეგ, ჩინეთის ჩემპიონატში, ოღონდ, რანგით მე-2 დივიზიონში, კიდევ ერთი ქართველი ფეხბურთელი, რატი არდაზიშვილი ითამაშებს.
La Gazzetta Georgia-ს ინფორმაციით, 27 წლის ფეხბურთელი გუანსი ენგჩენის რიგებში ჩაირიცხება და კლუბთან 1+1 სისტემის ხელშეკრულებას გააფორმებს.
გუანსი ენგჩენი ჩინეთის სამხრეთით მდებარე რეგიონ გუანსის კლუბია, რომელიც 2021 წელს დაარსდა და, ქვეყნის მეორე ლიგის 9-ქულიანი უპირატესობით მოგების შემდეგ, 2026 წლის სეზონიდან პირველ ლიგაში (სუპერ ლიგის შემდეგი დივიიზიონი) იასპარეზებს.
არდაზიშვილი თბილისის ლოკომოტივის აღზრდილია, წლების განმავლობაში ლატვიაში, ყაზახეთსა და აზერბაიჯანშიც უთამაშია, 2025 წლის ივლისიდან კი გაგრაში გამოდიოდა და ეროვნული ლიგის 16 მატჩში 5 საგოლე მოქმედება შეასრულა - 1 გოლი და 4 ასისტი.
