დადასტურებული ტრანსფერი - ალთუნაშვილი ისრაელში ითამაშებს

იბერია 1999-ისა და საქართველოს ნაკრების ნახევარმცველი, სანდრო ალთუნაშვილი კარიერას ისრაელის ჩემპიონატში გააგრძელებს.

28 წლის შუახაზელი გადადის ჰაპოელ ჰაიფაში, რომელიც ისრაელის Ligat ha'Al-ის გასული სეზონის მე-5 ადგილოსანია, წლევანდელ ჩემპიონატში კი, 15 ტურის შემდეგ, მე-8 ადგილზე იმყოფება.

ჰაიფური კლუბი ქვეყნის ჩემპიონი ერთხელ, 1998-99 წლების სეზონში გახდა, თასი 4-ჯერ აქვს მოგებული (ბოლოს 2018 წელს), ხოლო ისრაელის სუპერ თასს ასევე ერთხელ, 2018 წელს დაეუფლა.

ალთუნა, ავსტრიული ვოლფსბერგერიდან წამოსვლის შემდეგ, უგუნდოდ იყო, სექტემბერში კი იბერია 1999-ს შეუერთდა, ეროვნულ ლიგაში 12 თამაში ჩაატარა და საქართველოს ჩემპიონი კარიერაში მეოთხედ გახდა.

შედეგად, საქართველოს ჩემპიონი იბერია 1999, კაპიტან გიზი მამაგეიშვილის წასვლის გარდა, კიდევ ერთმა ლიდერმა დატოვა.