თორნიკე შენგელიამ სერბულ Meridian Sport-ს მისცა ინტერვიუ, რომლის ერთ-ერთი კითხვა ალექსანდრ ჯიკიჩის ევროლიგაში არყოფნას ეხებოდა.
"კონკრეტულ კლუბებზე საუბარი ჩემი საქმე არაა, თუმცა ჯიკიჩზე ჩემი აზრი არ შეცვლილა. სერბეთში იქნება თუ სხვა ქვეყანაში, მჯერა, რომ ევროლიგის კლუბში შანსს იმსახურებს", - აღნიშნა შენგელიამ.
თოკომ ადრეც გაუსვა ხაზი იმას, რომ არ ესმის, როგორ არ ეძლევა ნაკრებში მის მწვრთნელს შანსი ევროლიგაში.
ჯიკიჩი სულ ბოლოს დაუკავშირეს ბელგრადის პარტიზანს, რომლის მთავარი მწვრთნელის პოსტიდან ჟელიკო ობრადოვიჩი გაათავისუფლეს, თუმცა სერბული გრანდი სწორედ შენგელიას ბარსელონადან დათხოვნილ ხოან პენაროიას ჩააბარეს.
