პირველად ისტორიაში ზამთრის სპორტის სახეობებში საქართველომ ოლიმპიური მედალი მოიპოვა!
ფიგურულ ციგურაობაში ანასტასია მეტელკინა/ლუკა ბერულავას სპორტული წყვილი ზამთრის XXV ოლიმპიურ თამაშებზე-მილანი/კორტინა 2026 ვერცხლის მედლის მფლობელი გახდა.
წყვილმა გუშინდელი მოკლე პროგრამა დიდებულად შეასრულა და მსაჯებისგან 75.46-ქულიანი შეფასება დაიმსახურა. დღეს კი თავისუფალ პროგრამაში მათ 146.29 ქულა დააგროვეს და ჯამში 221.75 ქულით მეორე ადგილი დაიკავეს.
ოლიმპიური ჩემპიონი იაპონური წყვილი გახდა რიკუ მიურას და რიუჩი კიჰარას შემადგენლობით, რომლებმაც თავისუფალ პროგრამაში საოცაარი შედეგი აჩვენეს (158.13 ქულა) და ჯამში 231.24 ქულით პირველობა არავის დაუთმეს.
