ჯასტინ გეიჯი UFC 329-ს დაესწრება, რომელიც 2026 წლის 11 ივლისს ლას-ვეგასში, T-Mobile Arena-ში გაიმართება.
გეიჯი, რომელიც ამჟამად UFC-ის მსუბუქი წონის მოქმედი ჩემპიონია, კონორ მაკგრეგორისა და მაქს ჰოლოუეის დაპირისპირებას პირადად დააკვირდება.
გეიჯიმ განაცხადა, რომ მას ძალიან აინტერესებს ამ ბრძოლის შედეგი, რადგან ორივე მებრძოლი მისი პოტენციური მეტოქეა. მან კვლავ საჯაროდ დაადასტურა კონორ მაკგრეგორთან ბრძოლის სურვილი და აღნიშნა, რომ ასეთი მასშტაბის სუპერვარსკვლავთან დაპირისპირება მის კარიერულ და ფინანსურ სტატუსს მნიშვნელოვნად გაზრდიდა.
ჯასტინ გეიჯიმ ბოლოს 2026 წლის 15 ივნისს, UFC Freedom 250-ზე იასპარეზა, სადაც ილია თოფურია დაამარცხა და მსუბუქი წონის სატიტულო ქამარი მოიპოვა.
რაც შეეხება UFC 329-ს, ის UFC-ის ყოველწლიური საერთაშორისო საბრძოლო კვირეულის ფარგლებში იმართება და ტურნირის მთავარი მოვლენა კონორ მაკგრეგორისა და მაქს ჰოლოუეის განმეორებითი ორთაბრძოლა იქნება.
