მერაბ დვალიშვილი ილია თოფურიას ჯასტინ გეიჯისთან ბრძოლის შემდეგ მაინც გამარჯვებულად მიიჩნევს.
მერაბმა MMA Junkie Radio-სთან ინტერვიუში ხაზი გაუსვა იმ მძიმე გარემოებებს, რომელთა ფონზეც ჩაატარა თოფურიამ ბრძოლა თეთრი სახლის ტერიტორიაზე.
დვალიშვილი პატივისცემით მოიხსენიებს ჯასტინ გეიჯის, თუმცა აღნიშნავს, რომ ბრძოლის მიმდინარეობისას თოფურიამ თვალში დარტყმა მიიღო, რამაც მისი მდგომარეობა კიდევ უფრო დაამძიმა. მერაბის განცხადებით, პირველი რაუნდიდანვე მხედველობის პრობლემების მიუხედავად, ილია გამარჯვებასთან ძალიან ახლოს იყო და გეიჯის ნოკაუტით დამარცხების რეალური შანსი ჰქონდა.
აღსანიშნავია, რომ მსგავსი პრობლემა ჯასტინ გეიჯისთან ბრძოლის შემდეგ პედი პიმბლეტმაც დაასახელა, როგორც ფაქტორი, რომელმაც მისი ასპარეზობის ხარისხი დააქვეითა.
ილია თოფურიას ოფიციალური განცხადებით, მან პირველივე რაუნდში დაკარგა მხედველობა ერთ თვალში, ხოლო მეორე რაუნდის ბოლოს მეორე თვალითაც ვეღარ ხედავდა. მიუხედავად ამგვარი ფიზიკური დაზიანებისა, დვალიშვილი დარწმუნებულია, რომ მატადორის მენტალიტეტი და ბრძოლისუნარიანობა მას კარიერის წარმატებით გაგრძელების საშუალებას მისცემს.
