ევრობასკეტ 2025-ის ფინალი უკვე ცნობილია – ტიტულისთვის ერთმანეთს გერმანია და თურქეთი Arena Riga-ზე, კვირას დაუპირისპირდებიან.
ორივე გუნდმა ტურნირზე გამართულ რვავე მატჩში იმარჯვა და ნახევარფინალებში გამარჯვებით ფინალის საგზურიც მოიპოვა.
თურქეთმა დამაჯერებელი თამაში აჩვენა და საბერძნეთი 94-68 ანგარიშით დაამარცხა; ამით ისტორიაში მეორედ გავიდა ფინალში - პირველად 2001 წელს. ერჯან ოსმანმა ბრწყინვალე შეხვედრა ჩაატარა - მისი 28 ქულიდან 18 პირველ ნახევარში მოიპოვა, ხოლო ალპერენ შენგუნმა 15 ქულა, 12 მოხსნა და 6 შედეგიანი გადაცემა დააგროვა.
გერმანიამ კი პირველმა გაინაღდა ფინალის საგზური, ფინეთის დამარცხებით - 98-86, სანახაობრივ და შედეგიან მატჩში. დენის შროდერმა 26 ქულა და 12 ასისტი ჩაიწერა აქტივში, ხოლო ფრანც ვაგნერმა თავის გუნდს 23 ქულა შემატა.
თურქეთი ისტორიაში პირველ ევრობასკეტის ტიტულს უმიზნებს, ხოლო გერმანია- 1993 წლის ერთადერთ წარმატებას ახალი ტრიუმფის დამატებას.
14 სექტემბერს ფინალურ მატჩთან ერთად მესამე ადგილისთვის შეხვედრასაც ვიხილავთ, სადაც ერთმანეთს საბერძნეთი და ფინეთი დაუპირისპირდებიან.
