გერმანიის ნაკრების ისტორიაში ახალი ფურცელი ჩაიწერა: შვეიცარიასთან გამართულ სანახაობრივ მატჩშის დებიუტი შედგა.
იულიან ნაგელსმანის გუნდმა წლის პირველი გამოცდა ფლორიან ვირტცის უმაღლესი კლასის თამაშის წყალობით წარმატებით ჩააბარა.
Transfermarkt-ის მონაცემებით, ბაიერნის გარემარბი გერმანიის ნაკრების ისტორიაში მეშვიდე ყველაზე ახალგაზრდა დებიუტანტი გახდა. 18 წლისა და 33 დღის ასაკში კარლი 21-ე საუკუნის სამ ყველაზე ახალგაზრდა ფეხბურთელს შორისაც მოხვდა, რომლებმაც ბუნდესგუნდის მაისური მოირგეს.
ლეგენდარული უვე ზელერის დებიუტის შემდეგ (1954 წელი), კარლზე უფრო ადრეულ ასაკში გერმანიის ნაკრებში მხოლოდ იუსუფა მუკოკოსა და ჯამალ მუსიალას უთამაშიათ. ახალგაზრდა ტალანტმა მოედანზე არაეფექტური ლეროი ზანე ჩაანაცვლა, ნაგელსმანმა ეს როტაცია შეხვედრის მე-60 წუთის შემდეგ განახორციელა.
ამავე მატჩში კიმიხმა ნაკრებში 107-ე შეხვედრა ჩაატარა. მას მხოლოდ ერთი მატჩი აშორებს იურგენ კლინსმანთან, რომელიც ჩატარებული თამაშების რაოდენობით მეცხრე ადგილზეა. რეკორდსმენი კი კვლავინდებურად ლოთარ მათეუსია, რომელმაც 1980-2000 წლებში გერმანიის სახელით 150 მატჩი ითამაშა.
