გოგლიჩიძის დებიუტი - უდინეზემ ჯუზეპე მეაცაზე ინტერი დაამარცხა

იტალიის სერია ა-ს მე-2 ტურში უდინეზე ჯუზეპე მეაცას სახელობის სტადიონზე ინტერს ესტუმრა.

მატჩის სამივე გოლი პირველ ტაიმში გავიდა. მე-17 წუთზე ანგარიში დენზელ დუმფრისმა გახსნა.

თუმცა ინტერმა უპირატესობის შენარჩუნება ვერ მოახერხა. 29-ე წუთზე კინან დევისმა პენალტით გაათანაბრა ანგარიში, მე-40 წუთზე კი არტურ ატამ წინ გაიყვანა უდინეზე.

მეორე ტაიმის დასაწყისში თამაშში საბა გოგლიჩიძე ჩაერთო, რომლის დებიუტიც შედგა სერია ა-ში ახალი გუნდის რიგებში.

უდინეზემ პირველ ტურში ვერონასთან ფრედ ნათამაშები მატჩის შემდეგ, ინტერი ჯუზეპე მეაცაზე დაამარცხა და 4 ქულა აქვს, როსონერიმ კი პირველ ტურში ტორინო 5-0 გაანადგურა.

სანაკრებო პაუზის შემდეგ უდინეზე პიზას ესტუმრება, ინტერი კი იუვენტუსს ტურინში ეწვევა.