გვარდიოლა: "ახალი ბერნაბეუ შთამბეჭდავია, მაგრამ ფლორენტინოს ბალახი აქვს გასაუმჯობესებელი"

ხოსეპ გვარდიოლამ რეალთან საპასუხო მატჩის მოგების აუცილებლობაზე ისაუბრა.

 

პირველი მატჩი მადრიდში ფრედ, 3:3 დასრულდა. 

 

„საპასუხო მატჩი გვაქვს მოსაგები და გულშემატკივრები ამაში უნდა დაგვეხმარონ. ჩვენ გვჭირდება მათი ენერგია, რათა ამ ტურნირის მეფე დავამარცხოთ.

 

მანჩესტერში ამის გაკეთება შეგვიძლია, მაგრამ რეალი ერთ გოლს ნამდვილად გაიტანს.

 

გადახურული სახურავი ბერნაბეუზე? მე ცის ყურება მომწონს, მაგრამ შთამბეჭდავი იყო. სტადიონი ულამაზესია, ერთადერთი მათ გაზონი აქვთ გასაუმჯობესებელი.

 

ფლორენტინომ უნდა იზრუნოს ამაზე. ბერნაბეუზე ძალიან კარგად დაგებული ბალახი მახსოვს და დარწმუნებული ვარ, ისინი ამას გამოასწორებენ.

 

რეალის კონტრშეტევების გაკონტროლება შეუძლებელია. ძალიან საიმედო ფეხბურთელებიც კი ბურთს კარგავდნენ, ბევრი დაკარგვა გვქონდა.

 

ვიცით, რომ რეალთან მატჩი საფინალო სასტვენამდე არ სრულდება. დიდი ხნის მანძილზე კარგად ვთამაშობდით და გოლსაც არ ვუშვებდით, უფრო მეტი მომენტი შევქმენით და ორი ულამაზესი გოლი გავიტანეთ.

 

რეალის კონტრშეტევების შეჩერება შეუძლებელია? შეუძლებელი არაფერია, მაგრამ ძალიან რთული ნამდვილად არის. მათი რიცხვი მინიმუმამდე უნდა დაიყვანო. მათი ფეხბურთელებს დრიბლინგის ხარჯზე შეუძლიათ შენი ჩამოტოვება და ასევე ჰყავთ კროოსი, მისნაირად თამაშის მართვა სხვა არავის შეუძლია." - აღნიშნა გვარდიოლამ.