ბაიერნის საპატიო პრეზიდენტმა, ული ჰიონესმა ლივერპულსა და ფლორიან ვირცზე ისაუბრა.
„სლოტი ვირცს რაღაცას შეჰპირდა, რასაც ახლა აშკარად აღარ ასრულებს: რომ ახალ გუნდს მის გარშემო ააწყობდა და №10 მაისურს მისცემდა. ეს სრული სისულელე აღმოჩნდა.
მან №7 მაისური მიიღო და ახალი გუნდი აშკარად არ თამაშობს ვირცის გარშემო. საბრალო ფლორიანი… იქ ბურთსაც ვერ იღებს, რადგან სალაჰს, სობოსლაისა და სხვებსაც ბურთი მათთვის უნდათ.
ლევერკუზენში ყველაფერი მისი გავლით ხდებოდა. ლივერპულში კი ერთ ტაიმში ხუთ პასს იღებს და თუ ორჯერ დაკარგა ბურთი, ცუდ შეფასებას აძლევენ…"
ჰიონესმა ლივერპულის სატრანსფერო პოლიტიკაც შეაფასა.
„500 მილიონი ევრო დახარჯეს და კატასტროფული სეზონი აქვთ. ჩემი აზრით, ამის მიზეზი ის არის, რომ მათ მხოლოდ სუპერვარსკვლავები ჰყავთ. ყველანი ბატონები არიან და არც ერთი მუშა.
ყოველთვის ვამბობ: ლივერპულში მალე შეიძლება ხუთი ბურთით თამაში დასჭირდეთ, რადგან ვარსკვლავები ერთმანეთს ბურთს არ დაუთმობენ.“ - განაცხადა ჰიონესმა.
