"იმედია, მე და მერაბი ქართული და სომხური ცეკვებით ერთად ვიზეიმებთ" - ცარუკიანი UFC 311-ზე

არმან ცარუკიანმა არიელ ჰელუანისთან ინტერვიუში UFC 311-ზე გასამართი ბრძოლების შესახებ ისაუბრა.

"ვგრძნობ, რომ მე და მერაბი ამ ბრძოლაში ერთად ვართ და ჩვენ ისინი უნდა დავამარცხოთ, რადგან ის ქართველია და მე - სომეხი, თანაც მე საქართველოში დავიბადე.

ჩვენ ერთმანეთს კარგად ვიცნობთ, ერთადაც გვივარჯიშია. იმედია, იმ ღამეს ჩვენ ერთად ვიზეიმებთ ქართული და სომხური ცეკვებით." - განაცხადა სომეხმა მებრძოლმა.

UFC 311 18 იანვარს გაიმართება. მსუბუქი წონის საჩემპიონო ბრძოლაში არმან ცარუკიანი ისლამ მახაჩევს დაუპირისპირდება, სუპერმსუბუქ წონაში კი მერაბ დვალიშვილი ტიტულს უმარ ნურმაგომედოვის წინააღმდეგ დაიცავს.