ხაბიბი: "19 იანვარს უმარი ყველას აჩვენებს, რატომ ნერვიულობს დვალიშვილი"

ხაბიბ ნურმაგომედოვის აზრით, უმარს სატიტულო ბრძოლა მასთან ნათესავური კავშირების გამო არ მიუღია.

მერაბ დვალიშვილის აზრით, ქამრისთვის ბრძოლას უმარი იმიტომ არ იმსახურებს, რომ ჯერჯერობით ტოპ მებრძოლეებიდან არავინ დაუმარცხებია და მხოლოდ ხაბიბის ნათესაობის გამო მისცეს ეს ბრძოლა. 

„რაც შეეხება უმარის "საჩუქარს", მისი რეკორდი 18-0 შეადგენს, მას UFC-ში ექვსი გამარჯვება აქვს, ბოლო ბრძოლაში კი მან ხუთრაუნდიან მეინ-ივენთში მძიმე მეტოქე კორი სენდჰეგენი დაამარცხა.

ვფიქრობ, უმარმა სატიტულო ბრძოლა დაიმსახურა. არ ვიცი, მერაბი რატომ ნერვიულობს. უმარი აქ იმიტომ არ არის, რომ ჩემი ნათესავია. ის აქ იმის გამოა, რომ 18-0 და UFC-ში 6-0 აქვს.

უმარი თავის პირად მემკვიდრეობას ქმნის და ამას 19 იანვარს დაამტკიცებს. ის ყველას აჩვენებს, რატომ ნერვიულობს მერაბი." - აღნიშნა UFC-ს ექს-ჩემპიონმა, ხაბიბ ნურმაგომედოვმა.