ინგლისი მუნდიალს მხოლოდ მაშინ მოიგებს, თუ ბელინგემს სხვებიც აჰყვებიან

ინგლისის ნაკრებმა პანამა 2:0 დაამარცხა, ჯგუფში პირველი ადგილი დაიკავა და 1/16 ფინალში კონგოს დემოკრატიულ რესპუბლიკას შეხვდება.

ამ მოგებით გუნდმა თავიდან აიცილა სიკვდილის ბადე, სადაც პორტუგალია, ესპანეთი და საფრანგეთი იმყოფებიან.

მატჩის მთავარი გმირი კიდევ ერთხელ ჯუდ ბელინგემი გახდა. რეალის ვარსკვლავმა ჯერ ეფექტურად გახსნა ანგარიში, შემდეგ კი საგოლე პასი გაუკეთა ჰარი კეინს. ამ გოლით კეინმა მსოფლიო ჩემპიონატებზე ინგლისის ნაკრების ისტორიაში გარი ლინეკერის რეკორდი მოხსნა და 11 გოლით საუკეთესო ბომბარდირი გახდა.

პოზიტივის მიუხედავად, თომას ტუხელს სერიოზული პრობლემები აქვს. მისმა ექსპერიმენტულმა 3-1-6 ტაქტიკამ პირველ ტაიმში ვერ გაამართლა და გუნდს შემოქმედებითი კრიზისი აშკარად ეტყობოდა. გარდა ამისა, ძირითადში შანსმიღებული მორგან როჯერსი მოედანზე სრულიად უჩინარი იყო.

ყველაზე დიდი დარტყმა ინგლისისთვის მაინც ტრავმები აღმოჩნდა. რის ჯეიმსისა და ტინო ლივრამენტოს შემდეგ, პანამასთან ამ პოზიციაზე გადაწეულმა ჯარელ კუანსამაც კოჭის ტრავმა მიიღო. ტრენტ ალექსანდრ-არნოლდის ნაკრებს მიღმა დატოვება ტუხელს ახლა ძვირად უჯდება.