რატომ არ ასვენებს მარტინესი რონალდუს?

პორტუგალიის ნაკრების მთავარმა მწვრთნელმა, რობერტო მარტინესმა, კოლუმბიასთან უგოლო ფრის (0:0) შემდეგ მკაცრად უპასუხა კითხვებს კრიშტიანუ რონალდუს გადატვირთული გრაფიკის შესახებ.

41 წლის თავდამსხმელმა ჯგუფური ეტაპის სამივე მატჩი შეუცვლელად ითამაშა, რამაც პრესაში კითხვები გააჩინა, მით უმეტეს იმ ფონზე, როცა არგენტინამ და ნორვეგიამ ლიონელ მესი და ერლინგ ჰალანდი დაასვენეს.

მარტინესმა მსგავს შედარებებს „ბავშვური“ უწოდა და აღნიშნა, რომ გადაწყვეტილებებს არა მედიის ნარატივებზე, არამედ შიდა სამედიცინო მონაცემებზე დაყრდნობით იღებს:

ჩვენ არ ვადარებთ ჩვენს ფეხბურთელებს სხვა გუნდის მოთამაშეებს, ეს უბრალოდ ბავშვობაა. კრიშტიანუსთვის 90 წუთის თამაში პრობლემას არ წარმოადგენს, ის მენტალურად და ფიზიკურად უძლიერესია. ჩვენ ტურნირზე უკვე 21 ფეხბურთელი გამოვიყენეთ და წუთებს ვანაწილებთ. სხვადასხვა პოზიციას სხვადასხვა ფიზიკური დატვირთვა აქვს, ამიტომ შევცვალეთ ნევეშები ან დალო და კანსელო, რონალდუს კი მოედანზე ყოფნა შეუძლია

კოლუმბიასთან ფრის გამო პორტუგალიამ ჯგუფში მეორე ადგილი დაიკავა, რაც იმას ნიშნავს, რომ ხუთშაბათს, 1/16 ფინალში, ტორონტოში ხორვატიის ნაკრებს დაუპირისპირდებიან. ამ ბარიერის გადალახვის შემთხვევაში კი, სავარაუდოდ, ევრო 2024-ის გამარჯვებულ ესპანეთთან მოუწევთ შეხვედრა.