სიმონე ინძაგის ალ ჰილალში წასვლის გადაწყვეტილების შემდეგ, ინტერი მთავარი მწვრთნელის ძიებას შეუდგა.
როგორც იცით, დღეს გაირკვა, რომ იტალიელი სპეციალისტი ნერაძურის დატოვებს და კარიერას საუდის არაბეთში გააგრძელებს, სადაც მისი წლიური ხელფასი 25 მილიონი ევრო იქნება.
ჯანლუკა დი მარციოს ინფორმაციით, ინტერი ინძაგის შემცვლელად სესკ ფაბრეგასის და რობერტო დე ძერბის ვარიანტებს განიხილავს.
ორივე მწვრთნელი გუნდის გადახალისებას და თავისი იდეების მიხედვით გადაწყობას ითხოვს. თუმცა, ამ ეტაპზე დე ძერბის მარსელიდან წამოყვანა გაცილებით მარტივი იქნება, რადგან მას კონტრაქტში უდევს პუნქტი, რომელიც წასვლის ნებას რთავს.
რაც შეეხება ფაბრეგასს, მისით ამ ზაფხულს დაინტერესება ლევერკუზენმა და რომამაც გამოთქვეს, თუმცა ესპანელმა კომოს კიდევ მინიმუმ ერთი წლით დარჩენის პირობა მისცა და კლუბს, თავის მხრივ, მასთან განშორების არანაირი სურვილი არ გააჩნია.
